Ermənistan KTMT-nin Astana sammitində iştirak etməyəcək

Ermənistanın xarici işlər naziri Ararat Mirzoyan noyabrın 28-də Astanada keçiriləcək Kollektiv Təhlükəsizlik Müqaviləsi Təşkilatının (KTMT) sammitində iştirak etməyəcək.

Sfera.az xəbər verir ki, bu barədə “Armenpress” agentliyinə Xarici İşlər Nazirliyinin mətbuat katibi Ani Badalyan məlumat verib.

“Ermənistanın xarici işlər naziri Ararat Mirzoyan KTMT Təhlükəsizlik Şurasının xarici işlər nazirləri, müdafiə nazirləri və katibləri komitəsinin birgə iclasında iştirak etməyəcək”, - o qeyd edib.