Merkel Trampın bu qərarından NARAHATDIR: “Dünyaya meydan oxuyur”

Almaniyanın keçmiş kansleri Angela Merkelin Trampın addımlarından narahat olduğu bəlli olub.

Sfera.az bildirir ki, bu barədə Merkel “Der Spiegel” nəşri ilə fikirlərini bölüşüb. O qeyd edib ki, xüsusilə Trampın milyarder iş adamı İlon Maskı ABŞ-nin yeni hökumətində yüksək vəzifəyə təyin etməsi problemdir. Onun fikrincə, bu, “bütün dünyaya meydan oxumaqdır”.

“Siyasət güclü insanlarla adi vətəndaşlar arasında sosial tarazlığı müəyyən etməlidir. Əgər bu, istər kapitalın gücü, istərsə də texnoloji imkanlarla olsun, korporasiyalar tərəfindən güclü şəkildə təsirə məruz qalırsa, hamımız üçün görünməz problemə çevrilə bilər”, - keçmiş kansler bildirib.

Qeyd edək ki, Donald Tramp İlon Maskı Hökumətin Səmərəliliyi Departamentinə (DOGE) rəhbərlik etməyə dəvət etmişdi. Lakin ekspertlərin fikrincə, bu, biznesmen üçün açılan yeni imkan deyil, çünki o, seçkilərdə Trampı fəal dəstəkləyib.

Beləliklə, Maska insan beyni ilə təcrübələr aparmağa icazə verilə bilər.

Günay

Sfera.az