1a:T7ab,

Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) başa çatmasına az qalıb. Bu anda ən diqqətçəkən məqamlardan biri COP29-da iqlim böhranının fəsadlarının aradan qaldırılmasına nə qədər vəsait ayrılacağıdır.

Mövzu ilə bağlı Sfera.az-a açıqlama verən Azərbaycan İnternet Forumunun prezidenti Osman Gündüz bildirib ki, indi ən gərgin məqamdır:

“COP29-un təşkilatçısı olaraq da bu iki gün Azərbaycan üçün, COP29 prezidenti Muxtar Babayevin komandası üçün ən həlledici məqamdır. Görülən nəhəng işlər, çəkilən əzab-əziyyət, keçirilən çoxsaylı görüşlər və tədbirlər məhz bu iki gündə öz əsas bəhrəsini verməlidir. İndi ölkələrlə iqlim dəyişmələri ilə mübarizə üçün nəzərdə tutulan yekun maliyyə sənədinin razılaşdırılması məqamıdır”.

O.Gündüz qeyd edib ki, artıq maliyyənin ayrılması ilə bağlı ilkin razılaşma mətninin ortada olduğu bildirilir:

“Güman etmək olar ki, razılaşmanın mətnini Muxtar Babayevin rəhbərlik etdiyi komanda hazırlayıb. İqlim dəyişilmələri ilə mübarizə üçün təxminən 1 milyard dollar maliyyə ayırılacağı nəzərdə tutulur. Əgər belə bir maliyyə ayrılması təsdiqlənərsə, bu hədsiz böyük uğur hesab olunardı. Amma problemi yaradanların, inkişaf etmiş ölkələrin buna razılıq verəcəkləri hələlik qeyri-müəyyəndir. Bu gün BMT Baş Katibi Antonio Quterreş də yenidən COP29-da iştirak üçün ölkəmizə gəlib. Güman ki, bu gəliş də COP29-un yekun maliyyə sənədinin qəbulu ilə bağlıdır”.

Firuzə Əliyeva

4:[["$","script",null,{"type":"application/ld+json","dangerouslySetInnerHTML"

COP29-da iqlim böhranının fəsadlarının aradan qaldırılmasına nə qədər vəsait ayrılacaq?