Rusiyada müharibə əlillərinə ödənişlər artırıldı - MƏBLƏĞ

Rusiya Prezidenti Vladimir Putin Ukrayna ilə müharibədə yaralanan və bunun nəticəsində əlil olan hərbçilərə birdəfəlik ödənişin məbləğinin 4 milyon rubla (69 200 manat) qədər artırılması haqqında fərman imzalayıb.

Sfera.az Rusiya mediasına istinadən xəbər verir ki, prezident dünən xəsarətlərə görə ödənişlərin differensiallaşdırılması haqqında fərman imzalayıb. O, hökumətə onların ölçüsünü müəyyən etməyi tapşırıb.

Hazırda ağır xəsarət alan hərbçilərə 3 milyon rubl (51 900 manat), yüngül xəsarət alanlara 1 milyon rubl (17 300 manat) birdəfəlik ödəmə hüququ verilir. Digər xəsarətlər halında ödəniş 100 min rubldur (1730 manat).

Dünyasını dəyişən əsgərə görə isə birdəfəlik ödəniş 5 milyon rubl (86 500 manat) təşkil edir.

Prezidentin yeni fərmanına əsasən, əlil olan şəxslərə ödənişlərin maksimum həddi 4 milyon rubla çatdırılacaq. Yeni fərman 2024-cü il noyabrın 14-dən qüvvəyə minir.

Vasif

Sfera.az