"Donald Trampın yenidən seçilməsindən sonra belə bir təşəbbüs Vaşinqtondan gələrsə, Rusiya ABŞ ilə açıq dialoqa hazırdır".

Sfera.az xəbər verir ki, bunu Rusiyanın xarici işlər naziri Sergey Lavrov Qazaxıstana işgüzar səfərinin yekunlarına dair mətbuat konfransında bildirib.

“Biz heç vaxt heç kimlə əlaqəni rədd etməmişik. [Rusiya] Prezidenti [Vladimir] Putin hər dəfə mövzu qaldırılanda bizim mövqeyimizi vurğulayır. Danışmaq həmişə bir-birimizdən təcrid olmaqdan yaxşıdır. Bir daha təkrar edirəm ki, münasibətləri kəsən biz deyilik və onları bərpa etməyi təklif etmək də bizim ixtiyarımızda deyil. Əgər bir təşəbbüs olsa, oturub səmimi söhbət edərik”,- o, əlavə edib.

Lavrov Rusiya-ABŞ münasibətlərinin üzləşdiyi problemləri “çox dərin” adlandırıb. 

Firuzə Əliyeva