ABŞ-də Respublikaçılar Partiyasından prezidentliyə namizəd Donald Tramp seçkilərdə məğlub olacağı ehtimalını etiraf edib.

Sfera.az xəbər verir ki, bu barədə Tramp sualları cavablandırarkən deyib.

"Düşünürəm ki, mənim kifayət qədər əhəmiyyətli bir üstünlüyüm var. Lakin seçkilərdə uduza da bilərəm, belə olsa, maraqlı olacaq",- namizəd əlavə edib.

Qeyd edək ki, ABŞ-də ümumi seçkilər 2024-cü il noyabrın 5-də keçirilir. Seçicilər prezidenti, Senatın üçdə birini, Nümayəndələr Palatasının bütün 435 üzvünü və 11 ştat və iki ərazidə qubernatorları seçəcəklər.

Prezidentlik yarışında 2017-2021-ci illərdə 45-ci prezident olmuş və 2020-ci ildə Co Baydenə uduzduqdan sonra Ağ Evə qayıtmağa çalışan Respublikaçı namizəd Donald Tramp iştirak edir. Kamala Harris isə 2021-ci ilin yanvarından vitse-prezident vəzifəsini icra edir və indi prezidentliyə namizəddir.

Firuzə Əliyeva