Gürcüstanda müxalifət seçkiləri niyə qazana bilmədi? - AÇIQLAMA

Xəbər verdiyimiz kimi, Gürcüstanda keçirilən parlament seçkilərinin nəticəsi bəlli olub. 97.011 faiz sayılan səslərə əsasən, “Gürcü azusu” partiyası seçicilərin 54,24 faizinin etimadını qazanıb. Hakim partiyanı 1 087 801 seçici dəstəkləyib. Dörd qərbyönümlü müxalifət koalisiyası isə ümumilikdə 37,33% səs toplaya bilib.

Bununla bağlı Sfera.az-a açıqlama verən politoloq Məhəmməd Əsədullazadə deyib ki, Gürcüstanda keçirilən seçkilərdə hakim partiyanın qalib gəlməsinin əsas səbəblərindən biri müxalifət liderinin olmaması və dağınıq şəkildə seçkilərə gedilməsidir:

“Gürcüstan əhalisi seçim edəndə dağınıq müxalifətə deyil, monolit siyasi partiyaya səs verdi. Demək olar ki, Gürcüstanda seçkilər qismən şəffaf və rəqabətli şəraitdə keçdi. Gürcüstan vətəndaşları “Gürcü Arzusu”na heç də Rusiya ilə müharibə qorxusuna görə səs vermədi. Müxalifətin xalq konsepsiyasında ənənəvi şüarlar üstünlük təşkil etdi”.

Ekspert bildirdi ki, “Gürcü Arzusu” partiyası Azərbaycan kimi siyasət yürütməyə çalışacaq:

“Görünür, Tiflis bir çox məsələlərdə Azərbaycanla koordinasiyalı işləyir. Gürcüstan hakimiyyəti Qərblə əməkdaşlığı təlimatlar və göstərişlə deyil, müstəqil şəkildə davam etdirəcək. Moskva ilə əməkdaşlıq həyata keçiriləcək. Bu isə ilk növbədə Kremlin Cənubi Osetiya və Abxaziya ilə bağlı mövqeyindən asılı olacaq”.

Günay