"Ukraynanı 10 milyon insan tərk edib" - BMT

Birləşmiş Millətlər Təşkilatının (BMT) Əhali Fondunun Şərqi Avropa və Mərkəzi Asiya üzrə direktoru Florens Bauer Ukraynanın gənc əhalisinin ölkəni tərk etməsi ilə bağlı açıqlama verib.

Sfera.az xəbər verir ki, onun sözlərinə görə, 2022-ci il fevralın 24-dən bəri 10 milyona yaxın sakin Ukraynanı tərk edib.

Xanım Bauer keçirdiyi brifinqdə vurğulayıb ki, Ukraynanı tərk edənlərin əksəriyyətinin gənc və orta yaşlı olması əhalinin qocalmasına səbəb olur.

2024-cü ilin avqustunda Ukrayna prezidenti Volodimir Zelenski də əhalinin xaricə axını ilə bağlı açıqlama vermişdi. Dövlət başçısı ölkəni tərk etmiş mülki şəxslərlə işləmək üçün nazirliyin yaradıldığını də bildirmişdi.

Vasif