İsrail iranlı deputatları TƏŞVİŞƏ SALDI: “Nüvə silahının hazırlanmasına...”

İranın 39 nəfərdən ibarət olan deputat qrupu milli müdafiə doktrinasına yenidən baxılması və nüvə silahının hazırlanmasına icazə verilməsi tələbi ilə İslam Respublikasının Ali Milli Təhlükəsizlik Şurasına (Təhlükəsizlik Şurası) rəsmi məktub göndərib.

Sfera.az İran mediasına istinadən xəbər verir ki, müraciətin təşəbbüskarı, deputat Həsənəli Exlaki Amiridir. O bildirib ki, bu gün heç bir beynəlxalq təşkilat, hətta Amerika və Avropa ölkələri “sionist” rejiminə nəzarət edə bilmir, ona görə də bu rejim müxtəlif “cinayət”lər törədir:

“Bunu əsas götürən 39 parlamentari Ali Milli Təhlükəsizlik Şurasına məktub yazaraq İran İslam Respublikasının müdafiə doktrinasına yenidən baxmağa dəvət ediblər”.

Digər iranlı deputat Məhəmməd Rza Sabaqyan Bafqi isə bu təşəbbüsü İsrailin İranın nüvə və neft obyektlərinə zərbə endirmək təhlükəsi ilə əlaqələndirib.

Vasif