"NATO-nun avropalı üzvləri hərbi potensiallarına görə Rusiyadan geridədirlər və bu geriliyi müdafiə xərclərini artırmaqla kompensasiya etməlidirlər".

Sfera.az xəbər verir ki, bunu NATO-nun keçmiş Baş katibi (2014-2024) Yens Stoltenberq “The Financial Times”a müsahibəsində bildirib.

O, Avropa ölkələrinin potensial münaqişəyə yüksək hazırlıq vəziyyətində olan silah, texnika və əsgərlərinin çox az olmasından şikayətlənib.

Stoltenberq bildirib ki, Moskva da bu vəziyyətdən xəbərdardır.

Alyansın keçmiş Baş katibi "ən çox nəyə peşman olmusunuz?" sualına "NATO Ukraynaya öldürücü silahlar verməyə daha əvvəl başlamalı idi" cavabını verib. O iddia edib ki, tədarüklər 2022-ci ilin fevralında Rusiyanın xüsusi hərbi əməliyyatı başlamazdan əvvəl həyata keçirilməli idi, lakin əksər müttəfiqlər nəticələrdən çox qorxurdular. 

Stoltenberqin sözlərinə görə, Ukraynada daha müasir silahların olması Rusiya ilə münaqişənin qarşısını ala bilər və ya Rusiya ordusunun döyüş tapşırıqlarını yerinə yetirməsini ən azı xeyli çətinləşdirə bilərdi.

Firuzə Əliyeva