“Ermənistanın silahlanması Cənubi Qafqazda yeni təhlükəsizlik problemlərinə yol açır”.

Sfera.az bildirir ki, bunu politoloq Məhəmməd Əsədullazadə deyib. Onun sözlərinə görə, buna baxmayaraq, Azərbaycan da öz hərbi arsenalını gücləndirir.

“Hərbi təyyarə parkının yenilənməsi qarşı tərəfə mesajdır. Bu gün Azərbaycan Hərbi Hava Qüvvələri müasir qırıcı və silahlarla təchiz olunub. Həmçinin radiusu 300 kilometrdən 500 kilometrə qədər ballistik raketlərə sahibik. Fikrimcə, həm də Türkiyə ilə birgə Naxçıvanda ballistik raketlər yerləşdirmək lazımdır. Bu ballistik raketlər Naxçıvandan İrəvanı hədəf almalıdır”.

Ekspert bildirib ki, Ermənistan tərəfinin ballistik raketlər alması situasiyanı gərginləşdirir:

“Nikol Paşinyan hesab edir ki, silahlanma ilə Azərbaycandan güzəştlər əldə edəcək. Ermənistan ikinci Qarabağ müharibəsində “İsgəndər” raketlərindən istifadə etdi. Amma Azərbaycan həmin raketləri havada zərərləşdirdi. İrəvan unudur ki, Azərbaycan zəif dövründə belə güzəştə getmədi. Bundan sonra yalnız Ermənistan güzəştə gedəcək və Zəngəzur dəhlizini açacaq. Bir neçə ballistik raket və artilleriya silahları ilə Azərbaycana qarşı əzələ nümayiş etdirmək gülüncdür”.

Günay