Rusiyaya daha bir QADAĞA - Bu gündən məhdudlaşdırıldı

ABŞ-nin Rusiya mediasına qarşı sanksiyalarını nəzərə alaraq “TikTok” sosial şəbəkəsinin administrasiyası Rusiyanın ən böyük xəbər agentliyi “RİA Novosti”nin hesabını bloklayıb.

Sfera.az xəbər verir ki, bu barədə “Telegram” kanalında məlumat yayılıb.

Məlumata görə, “TikTok” platforması agentliyin səhifəsinə girişi məhdudlaşdırıb. Bu gündən tətbiqə daxil olarkən ekranda “RİA Novosti”nin “TikTok”da bloklanması barədə bildiriş çıxır. Bundan başqa, agentliyin videolarını axtarış xidmətindən istifadə etməklə tapmaq da qadağan edilib. “TikTok” “RİA Novosti”dən öncə RT telekanalının bir sıra hesablarını bloklayıb. Bunlara “RT en Español”, “RT Arabic”, “RT Online” və “RT Newsroom”un səhifələri daxildir.

Xatırladaq ki, sentyabrın 13-də ABŞ hökuməti “RİA Novosti”, “Ruptly”, “Sputnik” və RT kimi böyük media subyektlərinin daxil olduğu “Rossiya Seqodnya” media qrupuna qarşı sanksiyalar tətbiq edib. Onu da bildirək ki, “TikTok”dan öncə sanksiyalara “Meta” şirkəti qoşulub. “Meta”nın tərkibə daxil olan “Facebook”, “WhatsApp”, “Instagram” platformaları adıçəkilən rus media subyektlərinin hesablarının dondurmuşdu.

Vasif