Zelenskidən Trampla bağlı SƏRT AÇIQLAMA: "O, heç nə bilmir"
Ukrayna Prezidenti Volodimir Zelenski yenidən Donald Trampla bağlı kəskin açıqlama verib.
Sfera.az xəbər verir ki, onun sözlərinə görə, ABŞ prezidentliyinə namizəd Ukrayna münaqişəsini necə dayandıracağını bilmir.
"Məncə, ona başqa cür görünsə də, o, həqiqətən də müharibəni necə dayandıracağını bilmir", - prezident qeyd edib.
Zelenski əlavə edib ki, Trampdan başqa “hər şeyi 24 saat ərzində necə bitirməyi bilən” başqa siyasətçilər də var. Lakin onların bütün hərəkətləri heç bir nəticə verməyib.
Xatırladaq ki, ABŞ-nin keçmiş Prezidenti Donald Tramp “Fox News” telekanalına müsahibəsində yenidən prezident seçiləcəyi təqdirdə Ukraynadakı müharibəyə 24 saat ərzində son qoyacağına söz verib.Tramp Ukrayna Prezidenti Volodimir Zelenski və Rusiya lideri Vladimir Putini çox yaxşı tanıdığını bildirib.
Siyasətçi qeyd edib ki, Zelenski ilə söhbətində münaqişəni bir cümlə ilə bitirəcək: “Mən Zelenskiyə deyərdim: Bəsdir, müqavilə bağlamalısan”.
ABŞ-nin 45-ci prezidenti Tramp Putinin də danışıqlar masasına oturması üçün arqumentlər tapacağını bildirib. Onun sözlərinə görə, Moskva hərbi əməliyyatları başa çatdırmağa razılaşmasa, o zaman Vaşinqton Kiyevə daha çox yardım göstərəcək.
Əzizə Zeynal
