"ABŞ və Böyük Britaniya Azərbaycanla Ermənistan arasında oktyabrda sülh müqaviləsinin bağlanması istiqamətində çalışır".

Bunu Sfera.az-a açıqlamasında politoloq Məhəmməd Əsədullazadə deyib.

Onun sözlərinə görə, ABŞ kəşfiyyat rəsmisinin və Böyük Britaniyanın Mİ6 rəhbərinin Azərbaycana səfəri də əsasən bununla bağlı olub. 

M.Əsədullazadə qeyd edib ki, ABŞ və Böyük Britaniya Xəzər hövzəsində yeni geosiyasi layihələr və Mərkəzi Asiyaya açılım siyasəti hazırlayır:

“Bu ölkələr Rusiyanı regiondan çıxarmaq və Zəngəzur dəhlizinin açılması istiqamətində ciddi işləyirlər. İranın bütün isterikalarına baxmayaraq, Tehran Zəngəzur dəhlizinin açılmasına mane ola bilməyəcək. Azərbaycan da sülhə hazırdır. Ölkəmiz bu il müdafiə və təhlükəsizlik sahəsinə ötən ilə nisbətən az büdcə ayırdı. Bu, Azərbaycanın qarşı tərəfə mesajıdır”.

Firuzə Əliyeva