31 saylı Suraxanı İkinci Seçki Dairəsindən deputatlığa namizəd olan Qaya Məmmədov seçiciləri ilə səyyar görüşlərini davam etdirir.

Sfera.az bildirir ki, növbəti görüş Qaraçuxur qəsəbəsi Neftçilər Parkında baş tutub.

“Bu, seçkiqabağı təşviqat çərçivəsində bizim sonuncu kütləvi görüşümüz idi. Tədbirdə Suraxanı Rayon Ağsaqqallar Şurasının sədri Arif Babayev, Xətai Rayon Ağsaqqallar Şurasının sədri, şəhid atası Mürvət Əsgərov, şəhid anası Almaz Qasımova, şəhid xanımı, Suraxanı rayon fəalı Nəsibə Əliyeva, Vətən müharibəsinin iştirakçısı, baş leytenant Rafiq Rəhimli və digər sakinlər çıxış edərək namizədliyimə dəstək ifadə etdilər. 

Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında dövlətimizin ərazi bütövlüyünü tam bərpa etməsindən sonra ölkəmizin bütün ərazisində keçiriləcək ilk parlament seçkiləri həqiqətən tarixi hadisə olacaq. Bu tarixi seçkilərdə namizəd kimi iştirak etmək, ağsaqqallarımızın, şəhid ailələrinin və müharibə iştirakçılarının namizədliyimə dəstək və xeyir-dua vermələri mənim üçün böyük şərəf və məsuliyyətdir”, - Q.Məmmədov bildirib.