“Meta”nın və “Facebook” sosial şəbəkəsinin yaradıcısı Mark Zukerberq prezident seçkilərinə müdaxilə etmək qərarına gələrsə, ömrünün qalan hissəsini həbsxanada keçirəcək". 

Sfera.az “Politico”ya istinadən xəbər verir ki, bunu Respublikaçılar Partiyasından prezidentliyə namizəd Donald Tramp bildirib.

Siyasətçi sentyabrın 3-də nəşr olunacaq “Amerikanı xilas et” kitabında yazıb ki, "Meta" rəhbəri 2020-ci il seçkiləri zamanı ona qarşı sui-qəsd hazırlayıb.

Kitabda Trampın Ağ Evdə Zukerberqlə görüşünün fotosu var. Fotonun altında eks-prezident yazıb ki, "Facebook"un qurucusu həyat yoldaşı ilə birlikdə Oval kabinetə onu görməyə gəlib.

O, Zukerberqin ona qarşı sui-qəsd hazırlayarkən “ola bildiyi qədər gözəl davrandığını” söyləyib. Bununla Tramp Zukerberq və həyat yoldaşı Priscilla Çanın 2020-ci il seçkiləri zamanı seçki infrastrukturunu maliyyələşdirmək üçün etdikləri 420 milyon dollarlıq töhfəni nəzərdə tutub.

Əzizə