Şahin Seyidzadənin Qobustanda seçicilərlə növbəti görüşü -FOTO
Xəbər verdiyimiz kimi sentyabrın 1-də keçiriləcək Milli Məclisə növbədənkənar seçkilərdə 87 saylı Qobustan-Şamaxı-İsmayıllı seçki dairəsindən namizəd Şahin Seyidzadə Qobustan rayonunda seçicilərlə görüşlərə davam edir.
Sfera.az xəbər verir ki, Bizim.Media-nın məlumatına görə, Şahin Seyidzadənin növbəti görüşü rayonun ağsaqqalları və ziyalıları ilə baş tutub.
Şəhid Fədail Nadirov adına istirahət parkında keçirilən həmin görüşdə deputatlığa namizəd sakinlərlə səmimi söhbət edib, seçki platforması barədə məlumat verib, ağsaqqalların xeyir duasını alıb.
Daha sonra o, rayonun Cəngi kəndinin sakinləri ilə görüşüb. Ş.Seyidzadə onların fikir və təkliflərini dinləyib və seçiciləri maraqlandıran mövzular ətrafında müzakirələr aparıb.
Qeyd edək ki, Şahin Seyidzadə VI çağırış Milli Məclisin deputatı olub. O, 2022-ci ilin 3 mart tarixindən bəri İçərişəhər Dövlət Tarix-Memarlıq Qoruğu İdarəsinin İdarə Heyətinin sədridir.
