Deputatlığa namizəd Soltan Məmmədov gənclərlə görüşdü - FOTOLAR
Parlament seçkilərində 12 saylı Xəzər Birinci Seçki Dairəsindən namizədliyi qeydə alınan Soltan Məmmədov dünən Mərdəkan, Şağan və Buzovna qəsəbəsindən olan gənclərlə görüş keçirib.
Sfera.az xəbər verir ki, görüşdə deputatlığa namizəd gənclərlə fikir mübadiləsi aparıb, ölkəmizin bu günü və gələcəyi haqqında onların düşüncələrini öyrənib.
O bu görüşdən məmnun olduğunu ifadə edib: “Gənclərlə görüş zamanı növbəti dəfə əmin oldum ki, vətənimizin gələcəyi etibarlı əllərdədir.
Milli ruhda böyümüş və tərbiyə almış bu övladlarımızın hər biri öz sahəsinin qabaqcıllarıdır. Aralarında rəssam da var, heykəltaraş da, musiqiçi də, gənc alim də. Belə gənclərlə necə fəxr etməmək olar?
Görüşümüzdə xoş bir sürprizlə də qarşılaşdım. Gənc rəssam Əlihümbətova Leyla dünən Qarabağ Universitetinin dizayn fakültəsinə qəbul olunub. Leyla xanımı və ailəsini bu böyük uğurla əlaqədar olaraq təbrik edirəm. Necə ki, qəhrəman zabit və əsgərlərimiz Müzəffər Ali Baş Komandanımızın rəhbərliyi ilə canları bahasına torpaqlarımızı işğalçılardan təmizləyərək dövlətimizin təhlükəsizliyini dizayn ediblər, əminəm ki, Leyla xanım da Qarabağ Universitetini müvəffəqiyyətlə bitirib azad olunmuş yurdumuzda onlarla yaşayış və inzibati binanın, mədəniyyət və incəsənət mərkəzlərinin dizaynı üzərində çalışacaq!”
Altay