Kursk əməliyyatı vəziyyəti Ukraynanın xeyrinə dəyişib? - AÇIQLAMA
“Ukrayna ordusunun Rusiyaya müdaxiləsi Kiyevə üstünlük qazandırsa da, Şərq cəbhəsində vəziyyət ağır olaraq qalır”.
Sfera.az bildirir ki, bunu politoloq Elxan Şahinoğlu deyib. Onun sözlərinə görə, Ukrayna ordusunun Kursk istiqamətində irəliləməsi hələ ki Donbasda mövcud vəziyyətin Kiyevin xeyrinə dəyişməsinə səbəb olmayıb.
“Əksinə, Rusiya ordusu bir neçə məntəqəni də işğal edib. Ukrayna ekspertləri arasında polemika dərinləşib. Bir qism Ukrayna ordusunun Rusiya ərazisində irəliləməsini dəstəkləyir, digərləri isə əksinə..”.
Ekspert fikirlərini bu cür izah edib:
“Qeyd edilən analitiklər bildirirlər ki, Şərq cəbhəsi gücləndirilməlidir. Onların fikrincə, ordunun Kursk istiqamətinə cəlb edilən elit hissələrinin işğal altındakı yaşayış məntəqələrini azad etməsi üçün Donbasda əks-həmlələrin həyata keçirməsi vacibdir”.
Günay