37 saylı Nizami birinci (Gəncə) seçki dairəsindən fevralın 9-da Milli Məclisə keçiriləcək seçkilərda deputatlığa namizəd Pərvin Kərimzadə seçicilərlə görüşləri davam etdirir.

Sfera.az xəbər verir ki, böyük ruh yüksəkliyi ilə keçən görüşlərdə Pərvin Kərimzadə seçicilərə parlamentdəki və beynəlxalq arenadakı fəaliyyəti haqqında məlumat verib, Prezident İlham Əliyevin məqsədyönlü siyasətindən, eləcə də, ölkədə gedən kadr, iqtisadi-siyasi islahatlardan danışıb.

Səmimi söhbət zamanı Pərvin Kərimzadə seçiciləri maraqlandıran sualları cavablandırıb, onları narahat edən bir neçə problemlə bağlı aidiyyatı qrumlar qarşısında məsələ qaldıracağını bildirib.