Demokratların prezidentliyə namizədi Harrisdir? - Sabah rəsmən AÇIQLANACAQ
ABŞ-nin vitse-prezidenti Kamala Harris Çikaqodakı “United Center” qapalı idman arenasında keçirilən mərasimdə Demokratlar Partiyasının Milli Qurultayında 4566 nümayəndənin dəstəyini təmin edib.
Sfera.az bu barədə “TASS”a istinadən xəbər verir.
Məlumata görə, səsvermədə Demokrat Partiyasının praymerizləri zamanı bu hüququ əldə etmiş 4000-dən çox nümayəndə iştirak edib. Onların böyük əksəriyyəti ABŞ lideri Co Bayden prezidentlik yarışından çıxdığını elan etməzdən əvvəl onu dəstəkləyib. Lakin onların səsləri avtomatik olaraq Harrisə getməyib.
Qeyd edək ki, ABŞ-də ümumi seçkilər noyabrın 5-də keçiriləcək. Demokratlar Partiyasının avqustun 22-nə qədər davam edəcək qurultayında Harrisin noyabrda keçiriləcək prezident seçkiləri üçün namizədliyini irəli sürməyə rəsmən razılıq verəcəyi gözlənilir.
Firuzə Əliyeva