Hər şey Kursk üçün: Putin onları da cəbhəyə ÇAĞIRIR
Ukraynanın Kurska hücumundan sonra Moskva rəhbərliyi gözlənilməz addım atıb.
Sfera.az bildirir ki, Rusiya əksəriyyəti Afrikada olan “Vaqner” döyüşçülərini cəbhəyə çağırmaq qərarına gəlib.
Zərbə qüvvələrini Ukraynanın Donbas cəbhəsində cəmləşdirən Rusiya həmçinin, Ramzan Kadırovun rəhbəri olduğu “Ahmat” qoşunlarını köməyə çağırıb. Məlumata görə, Kursk bölgəsində kifayət qədər əsgəri olmayan rəsmi Moskva hazırda irəliləyişin qarşısını almaq üçün intensiv artilleriya atəşi, raket, təyyarə və helikopterlərdən uzaq məsafələrdən istifadə edir.
Rusiya Müdafiə Nazirliyi yeni cəbhədə son 24 saat ərzində 100-ə yaxın Ukrayna əsgərinin öldürüldüyünü, 54 zirehli texnikanın məhv edildiyini iddia edib. Rusiya mərkəzi hökuməti də növbəti xəbərdarlığa qədər bütün Kursk vilayətində fövqəladə vəziyyət elan edib. Bölgədən intensiv mülki axının olduğu da vurğulanıb.
Qeyd edək ki, təxminən 1500 əsgər, çoxlu zirehli texnika və hətta hava hücumundan müdafiə sistemləri ilə Rusiyanın Kursk bölgəsinə daxil olan Ukrayna ordusu, son 48 saatda sərhəddəki 45 km uzunluğundakı xətt boyunca 15 km içəri keçə bilib. Məhdud sayda rus əsgərini dəf edən Ukrayna qoşunları Kursk vilayətində irili-xırdalı 10 kəndi və strateji əhəmiyyətli Sunca qəsəbəsini yarısını ələ keçirib. Sunca qəsəbəsi Rusiyanın “Qazprom” şirkətinin Qərbə təbii qaz nəql etdiyi stansiyanın yerləşdiyi yerdir. Ukraynanın bir gün əvvəl başlatdığı hücum Moskvanın ötən ilin yazında Xarkova yürüşünə cavab olaraq dəyərləndirilib.
Günay
