Rusiyada nüvə təlimlərinin üçüncü mərhələsi başlayır
Siyasət
12:41 / 31.07.2024
7378
Rusiya hərbçiləri Mərkəzi və Cənub hərbi dairələrinin, eləcə də Aerokosmik Qüvvələrin qoşunlarının cəlb olunduğu təlimlərin üçüncü mərhələsində qeyri-strateji nüvə silahlarından döyüş istifadəsinə hazırlaşmaq üçün təlim keçəcəklər.
Sfera.az xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, təlimin məqsədi Rusiyanın taktiki nüvə silahı döyüş bölmələrinin qoşun və texnikasının döyüş hazırlığını saxlamaqdır.
Qeyd edək ki, birinci və ikinci mərhələdə Cənub və Leninqrad hərbi dairələrində yerləşən qoşunlar, eləcə də Aerokosmik Qoşunların və Hərbi Dəniz Qüvvələrinin şəxsi heyəti qeyri-strateji nüvə silahlarından istifadəyə hazırlaşmaq üçün təlim keçib.
Firuzə Əliyeva
