Hindistanın Baş naziri Narendra Modi Ukrayna münaqişəsinin nizamlanmasında vasitəçilik təklif edə bilər.

Sfera.az bu barədə “TASS”a istinadən xəbər verir.

“Hindistanın Rusiya ilə çoxillik dostluq münasibətləri var, baş nazirin isə prezident Vladimir Putinlə yaxşı münasibətləri var. Hindistanın, eyni zamanda Ukrayna ilə də yaxşı münasibətləri var. Hər iki tərəfin Hindistana etibarı var", - mənbə qeyd edib.

"Hindistan dəfələrlə münaqişənin həllinə kömək etməyə hazır olduğunu bildirib. Lakin bu, yalnız hər iki tərəfin razılığı ilə mümkündür", - məlumatda bildirilib.

Məlumata görə, Modinin Ukraynaya səfəri avqustun üçüncü həftəsində və çox güman ki, avqustun 23-də baş tuta bilər.

Firuzə Əliyeva