"NATO-ya etibar etmək olmaz" - Patruşev
“Rusiya bu alyansın yalan olduğunu anlayaraq NATO-ya etibar edə bilməz”.
Sfera.az “TASS”a istinadən xəbər verir ki, bunu Rusiya prezidentinin köməkçisi Nikolay Patruşev müsahibəsində deyib.
"Bir tərəfdən NATO özünü regional təşkilat kimi göstərir, digər tərəfdən açıq şəkildə Asiya-Sakit okean regionunu öz maraq dairəsi kimi təyin edir. Yalan danışmaq Şimali Atlantika Müqaviləsi Təşkilatının və onun liderlərinin - Vaşinqton və Londonun illərdir davam edən əsas prinsipidir, ona görə də alyansa etibar etmək olmaz", - Patruşev bildirib.
Patruşev bir daha vurğulayıb ki, NATO ölkələri müxtəlif vaxtlarda Moskvanın dostu kimi davranaraq, onu öz sıralarına çağırıb, şərqə doğru genişlənməyəcəyinə söz veriblər, indi isə açıq şəkildə Rusiyanı əsas təhlükə adlandırırlar.
Firuzə Əliyeva
