"Missiyamız liderləri qorumaqdır, amma..." - Xidmət rəhbəri Trampa sui-qəsd cəhdini ŞƏRH ETDİ
!["Missiyamız liderləri qorumaqdır, amma..." - Xidmət rəhbəri Trampa sui-qəsd cəhdini ŞƏRH ETDİ](https://sfera.az/photo/orginal/2024/07/23/1721738710_kimberli_cit_tramp.jpg)
ABŞ Məxfi Xidmətinin direktoru Kimberli Çitl Respublikaçılar Partiyasından prezidentliyə namizəd Donald Trampa qarşı sui-qəsdin həyata keçirilməsinə görə məsuliyyəti öz üzərinə götürüb.
Sfera.az xəbər verir ki, bu barədə o, ABŞ Konqresinin Nümayəndələr Palatasının Nəzarət Komitəsində verdiyi ifadəsində bildirib. Çitl Trampa qarşı sui-qəsd cəhdini ABŞ məxfi xidmətinin son onilliklərdəki ən əhəmiyyətli uğursuzluğu adlandırıb.
“Məxfi Xidmətin missiyası xalqımızın liderlərini qorumaqdır. İyulun 13-də uğursuzluğa düçar olduq”,- o qeyd edib.
Çitl, Trampın güllələndiyi binanın təhlükəsizlik perimetrindən kənarda olduğunu təsdiqləyib və həmçinin keçmiş ABŞ prezidentini qorumaq üçün kifayət qədər məxfi xidmət agentinin yerləşdirildiyini qeyd edib. Sui-qəsd cəhdi günü Trampın təhlükəsizlik detalının niyə işləmədiyini soruşduqda, Çitl bu faciəyə görə məsuliyyəti öz üzərinə götürdüyünü söyləyib. O, hələ sui-qəsd yerinə getmədiyini də iddia edib.
Xatırladaq ki, iyulun 13-də Respublikaçılar Partiyasından prezidentliyə namizəd Donald Trampın kampaniyası zamanı atışma olub, Tramp qulağından yüngül xəsarət alıb. Hadisə iştirakçılarından biri ölüb, ikisi yaralanıb.
İnci