Rusiya və İran tarixi sənədi imzalamağa hazırlaşır - XİN rəsmisindən AÇIQLAMA
![Rusiya və İran tarixi sənədi imzalamağa hazırlaşır - XİN rəsmisindən AÇIQLAMA](https://sfera.az/photo/orginal/2024/07/23/1721735291_rusiya-iran.png)
“Rusiya və İran bu tarixi sənədin imzalanması üçün zəmin yaradan hərtərəfli əməkdaşlıq müqaviləsinə son nöqtəni qoyub”.
Sfera.az xəbər verir ki, bunu Rusiya xarici işlər nazirinin müavini Andrey Rudenko “TASS”a müsahibəsində bildirib.
"İyunun 21-də Moskvada iki ölkənin xarici işlər nazirliklərinin hüquq və regional idarələrinin ekspertləri arasında kifayət qədər məhsuldar məsləhətləşmələr zamanı mətn yekunlaşdırılıb. Onların nəticələrinə əsasən, sazişin hazırlanması üçün zəruri olan dövlətdaxili prosedurların başlanması barədə razılıq əldə olunub. Sənəd yaxın gələcəkdə yüksək səviyyəli ikitərəfli qarşılıqlı fəaliyyət çərçivəsində imzalanacaq”, - o bildirib.
“Rusiya-İran əlaqələrinin statusunu hərtərəfli strateji tərəfdaşlıq səviyyəsinə yüksəltmək məqsədi daşıyan belə bir ciddi sənədin redaktə edilməsi, demək olar ki, iki il yarım vaxt aparıb və bu gün onu tam hazır hesab etmək olar”, - Rudenko qeyd edib.
İRNA daha əvvəl bildirmişdi ki, İranın yeni seçilmiş prezidenti Məsud Pezeşkian Rusiya lideri Vladimir Putinlə telefon danışığında Tehranın oktyabrda Kazanda keçiriləcək BRİKS sammitində Moskva ilə hərtərəfli əməkdaşlıq sazişini imzalamağa hazır olduğunu deyib.
Firuzə Əliyeva