"Heç bir əhəmiyyəti yoxdur, çünki..." - Blinken və Lavrov arasında görüş keçiriləcəkmi?

Nyu-Yorkda BMT Təhlükəsizlik Şurasında keçirilən tədbirlər çərçivəsində Rusiya və ABŞ xarici işlər nazirlərinin görüşü nəzərdə tutulmayıb.

Sfera.az Rusiya mediasına istinadən xəbər verir ki, bunu Rusiya xarici işlər nazirinin müavini Sergey Ryabkov deyib.

Ryabkov söyləyib ki, rəsmi Vaşinqton Moskvadan Rusiyanın xarici işlər naziri Sergey Lavrovla ABŞ dövlət katibi Antoni Blinkenin Nyu-Yorkda görüş keçirməsini tələb etməyib. Onun sözlərinə görə, belə bir görüşə ehtiyac da yoxdur:

“Məncə, bunun heç bir əhəmiyyəti yoxdur, çünki ona verə biləcəyimiz suallarımız yoxdur".

Diplomatın sözlərinə görə, yaranan konkret vəziyyətlərdə lazım olan bütün siqnallar mövcud kanallar vasitəsilə tərəflərə çatdırılır. Rusiya XİN rəhbərinin müavini qeyd edib ki, Moskva Amerika tərəfinin ikitərəfli münasibətlərə hazırki yanaşmasını başa düşür və bu yanaşmada heç bir dəyişiklik gözlənilmir.

Vasif