Rusiya prezidenti Vladimir Putin Məsud Pezeşkianı İran prezidenti seçilməsi münasibətilə təbrik edib.

Sfera.az bildirir ki, təbrik mətni Kremlin saytında dərc olunub. Putin Tehranla bütün sahələrdə əməkdaşlığın artırılmasına ümid etdiyini bildirib.

“İran İslam Respublikasının Prezidenti seçilməyiniz münasibətilə səmimi təbriklərimi qəbul edin. Ümidvaram ki, prezident kimi fəaliyyətiniz regional təhlükəsizlik və sabitliyin sadələşdirilməsi maraqları, xalqlarımızın mənafeyi naminə bütün sahələrdə konstruktiv ikitərəfli əməkdaşlığın daha da genişlənməsinə töhfə verəcək”, - mesajda qeyd olunub.

Putin təbrikində bildirib ki, Moskva və Tehran beynəlxalq gündəmdəki aktual məsələlərin həllində səylərini səmərəli şəkildə əlaqələndirir. O həmçinin, Rusiya-İran münasibətlərində dostluq və mehriban qonşuluq xarakterini vurğulayıb.

Qeyd edək ki, iyulun 5-də İranda növbədənkənar prezident seçkilərinin ikinci turu keçirilib. Səsvermənin nəticələrinə görə, islahatçı qanadın namizədi, keçmiş səhiyyə naziri Pezeşkiyan 16,384 milyon səs toplayaraq qalib gəlib. Onun rəqibi Səid Cəlili 13,538 milyon - 44,3% səs toplayıb. İkinci turda seçici fəallığı təxminən 49,8% təşkil edib. Günay