İranda keçiriləcək prezident seçkilərinin ikinci turunda islahatçı namizəd, azərbaycanlı Məsud Pezeşkianın daha çox seçicinin səsini qazanacağı gözlənilir.

Sfera.az Anadolu Agentliyinə istinadən xəbər verir ki, İran Tələbələrin Sorğu Agentliyi (ISPA) ölkə üzrə prezident seçkilərinin ikinci turu ilə bağlı keçirdiyi üzbəüz sorğunun nəticələrini paylaşıb.

Ölkənin 31 əyalətində yaşı 18-dən yuxarı olan 3606 nəfərlə aparılan sorğuda seçkidə iştirak edəcəklərini bildirən və ya seçkidə iştirak etməyi düşünən seçicilərə belə bir sual verilib:

“Əgər prezident seçkiləri indi keçirilsəydi, Pezeşkian və Celili arasında kimə səs verərdiniz?".

İştirakçıların 49,5 faizi islahatçı namizəd Pezeşkianı, 43,9 faizi isə Səid Cəlilini dəstəkləyib.

Vasif