“Bu gün də ölkəmizə qarşı düşmən mövqe tutan dairələr tərəfindən Azərbaycan polisinə qarşı qarayaxma cəhdləri var”.

Sfera.az xəbər verir ki, bunu Milli Məclisin növbədənkənar sessiyasının sonuncu plenar iclasında deputat Bəhruz Məhərrəmov deyib.

“Amma Azərbaycan polisinin fəaliyyətinə yalnız Azərbaycan prezidenti qiymət verə bilər, cənab İlham Əliyevin də mövqeyi tam aydındır və bu iradə qarşısında hansısa saxtakar, cinayətkar beynəlxalq təşkilatın, onun Azərbaycandakı tör-töküntülərinin, 5-ci kolonun yaxud sosial media qaragüruhunun sayıqlamalarının heç bir önəmi yoxdur.Bu gün Daxili İşlər Orqanları cənab İlham Əliyevin Müzəffər Ali Baş komandanlığı altında özünün yüksəliş dövrünü yaşayır, polisin maddi-texniki təminatı yüksək səviyyədədir və polisin sosial-rifahının daha da güclənməsi ən ali səviyyədə daim diqqət mərkəzindədir”, - millət vəkili qeyd edib.

Firuzə Əliyeva