“Separatçılarla bağlı ibtidai istintaq başa çatdı” - Baş prokuror
“Separatçılarla bağlı cinayət işi üzrə ibtidai istintaq başa çatıb”.
Sfera.az bildirir ki, bunu Baş Prokuror Kamran Əliyev deyib. O qeyd edib ki, Azərbaycanın Qarabağ bölgəsinin və digər suveren ərazilərinin Ermənistanın hərbi təcavüzü nəticəsində işğal olunduqdan sonra yaradılmış qondarma qurumun separatçı rəhbərləri barəsində olan cinayət işləri yaxın vaxtlarda məhkəməyə göndəriləcək.
K.Əliyevin sözlərinə görə, artıq 15 nəfərlə bağlı aparılan ibtidai istintaq başa çatıb:
“Onların bütün hüquqları təmin olunub, ölkə daxili qanunlar və beynəlxalq konvensiyaların tələblərinə uyğun bütün hüquqları təmin olunub, vəkil və tərcüməçi ilə təmin olunublar. Hazırda təqsirləndirilən şəxslər, vəkillər və zərərərçəkmiş şəxslər cinayət işi materialları ilə tanış olurlar. Tanışolma mərhələsi başa çatandan sonra, ittiham aktı məhkəməyə göndəriləcək”.
Günay
