"Putinin təklifi sülhə xidmət etmir" - Ukraynadan Rusiya liderinə REAKSİYA

"Rusiya Prezidenti Vladimir Putinin Ukraynadakı münaqişənin həlli ilə bağlı təşəbbüsündə real sülh təklifi yoxdur". 

Sfera.az xəbər verir ki, bu barədə Ukrayna Prezidentinin Aparat rəhbərinin müşaviri Mixaylo Podolyak sosial şəbəkədəki səhifəsində bildirib.

“Bunda yeni heç nə yoxdur, real sülh təklifi də yoxdur”, - o qeyd edib.

Podolyak vurğulayıb ki, Putinin "Ukraynanın bloklara qoşulmamaq təklifi" ölkəni müdafiəsiz qoyacaq.

Qeyd edək ki, iyunun 14-də Putin bəyan edib ki, Ukrayna qoşunları Donetsk, Luqansk, Zaporojye və Xerson vilayətlərindən çıxsa və  NATO-ya qoşulmaq fikrindən həmişəlik daşınsa Rusiya sülh danışıqlarına başlayacaq.

İnci