Birinci Qarabağ müharibəsinin şəhidi Zakir Muradovla vida mərasimi KEÇİRİLİR
Siyasət
15:27 / 04.06.2024
3379
Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Zakir Minad oğlu Muradovun meyitinin qalıqları Xaçmaz rayonuna gətirilib.
Sfera.az-ın report-a istinadən məlumatına görə, şəhidin nəşi Xaçmaz rayonunun Yeni Sudur kəndində ailəsinə təhvil verilib.
Hazırda şəhidlə vida mərasimi keçirilir.
Qeyd edək ki, Zakir Minad oğlu Muradov 1971-ci il aprelin 25-də Xaçmaz rayonunun Yeni Sudur kəndində anadan olub. O, 1992-ci il noyabrın 9-da Ağdərə rayonunda itkin düşüb.
Z.Muradov Yeni Sudur kənd qəbiristanlığında dəfn olunacaq.
