Milli Məclisin növbədənkənar xüsusi sessiyası ÇAĞIRILDI
Yaz sessiyası başa çatdıqdan sonra Milli Məclisin növbədənkənar xüsusi sessiyası çağırılıb.
Sfera.az xəbər verir ki, Milli Məclisin Daxili Nizamnaməsinə əsasən, parlamentin növbədənkənar sessiyalarını Milli Məclisin sədri Azərbaycan Prezidentinin və ya qanunverici orqanın 42 deputatının tələbi əsasında çağırır.
Spiker Sahibə Qafarova bildlrib ki, növbədənkənar sessiyanın çağırılması ilə bağlı 80 deputat müraciət edib.Növbədənkənar sessiyanın gündəliyini müvafiq olaraq onun çağırılmasını tələb edənlər müəyyənləşdirir.
Qeyd edilib ki, Milli Məclisin növbədənkənar sessiyasının ilk iclasının tarixi haqqında məlumat veriləcək.Növbədənkənar sessiya başa çatdıqdan sonra isə millət vəkilləri iyulun 15-dən avqustun 30-dək tətildə olacaqlar.
Firuzə Əliyeva
