Zelenskini \"qoruyan\" İKİ XAİN: Qətlin planı ilə bağlı detallar MEDİAYA SIZDI 

Ukrayna Prezidenti Volodimir Zelenskinin təhlükəsizlik xidmətinin iki polkovniki - Andrey Quk (əslən Rusiya) və Aleksandr Derkaç  Volodimir Zelenskinin, Ukrayna Təhlükəsizlik Xidmətinin rəhbəri Vasili Malyuk və Hərbi Kəşfiyyatın başçısı Kirill Budanovun qətlini planlaşdırıblar.

Sfera.az bildirir ki, "Times" bu barədə Ukrayna əks-kəşfiyyatının yüksək rütbəli zabitindən alınan məlumatlara istinadən xəbər yayıb.

Budanovun konvoyunun koordinatları raket zərbəsi ilə məhv edilmək üçün Rusiya tərəfinə ötürülməli imiş.  Raket atıldıqdan sonra pilotsuz təyyarələr hücumun nəticələrini qeyd etməli və lazım gələrsə, sağ qalanları məhv etməli idi. Quk və Derkaç eyni zamanda general-leytenant Vasili Malyuk, eləcə də Zelenskinin özünü də izləyib və barələrində Rusiya tərəfinə məlumat ötürüblər.

Fotoda: Vasili Malyuk

Fotoda: Kirill Budanov

Nəşrin həmsöhbətinin sözlərinə görə, bir neçə ay ərzində şübhəlilərin müşahidəsi aparılıb.

Xatırladaq ki, bundan əvvəl Ukraynanın dövlət təhlükəsizlik idarələrindən birinin rəhbəri Andrey Qukun mayın əvvəlində Ukrayna Təhlükəsizlik Xidməti (SBU) tərəfindən saxlanıldığı barədə məlumat verilib.Məmur dövlətə xəyanətdə şübhəli bilinib. Təhlükəsizlik qüvvələri onu bir sıra qorunan şəxslər, o cümlədən prezident Volodimir Zelenski haqqında məlumat toplamaqda və ötürməkdə ittiham edib.

Əzizə