NATO və Aİ Ukraynaya görə QARŞI-QARŞIYA: "Bu rəqəmə yaxınlaşa bilmədiniz"

NATO-nun Baş katibi Yens Stoltenberq Avropa İttifaqını tənqid edib.

Sfera.az bildirir ki, o, bu barədə Alyansın Parlament Assambleyasının sessiyasında çıxış edərkən danışıb.

Stoltenberq bildirib ki, Aİ Ukraynaya 1 milyon mərmi vəd etsə də, reallıq bundan çox uzaqdır:

“NATO ölkələri Ukraynanı bütün silahların 99%-i ilə təmin edib, lakin bu kifayət deyil. Biz Kiyevə kifayət qədər  silah göndərməmişik. ABŞ isə Ukraynaya yardım paketini müzakirə etmək üçün altı ay ərzində ciddi gecikmələr yaşadı. Digər tərəfdən, Avropa İttifaqı bir milyon mərmi sözünü verdi, lakin bu rəqəmə yaxınlaşa bilmədi”.

Qurum rəsmisi Kiyevə tədarükü artırmağa da çağırıb. O həmçinin Ukrayna ordusunun çoxsaylı yerli məğlubiyyətlərinin hərbi təchizatın çatışmazlığından irəli gəldiyini xatırladıb.

Günay