Rusiyalı generaldan bu şəhərlərlə bağlı AÇIQLAMA: "İşğal edilməlidir!"
Rusiyanın aparıcı simalarından biri, ehtiyatda olan general-mayor Nikolay Plotnikov Avropa ölkələrindəki bəzi şəhərlərin Rusiya ərazisinə birləşdirilməsini təklif edib.
Sfera.az xarici mediaya istinadən xəbər verir ki, Plotnikov bununla bağlı Rusiya dövlət televiziyasına müsahibəsində danışıb.
O deyib ki, Vladimir Putin “Lenin və Stalinin tarixi səhvlərini” düzəltməli və Rusiya bəzi Avropa ölkələrini işğal etməlidir.
Ehtiyatda olan general işğalını təklif etdiyi şəhərlərin adını da açıqlayıb:
“Estoniyanın Narva, Latviyanın Dauqavpils və Litvada Klaypeda şəhərlərinin Rusiya ilə əlaqələri böyükdür. Bu şəhərlər Rusiya ərazisinə birləşdirilməlidir”.
Plotnikovun fikrincə bu ölkələrdəki insanlar Ukraynaya dəstəyi dayandırmadıqlarına görə, Rusiya onları bu şəkildə cəzalandırmalıdır.
Qeyd edək ki, adıçəkilən Baltikyanı ölkələr NATO-nun və Avropa İttifaqının üzvüdürlər.
Vasif
