"Deyirlər ki, müxalifətsən, niyə Mehriban xanımın mərhəmətindən danışırsan?" - Millət vəkili

“Bir çox adam qazanır, amma Mehriban xanım paylaşmağı da bacarır. Paylaşmağı bacarmaq üçün böyük ürəyə sahib olmaq lazımdır, ürək də Mehriban xanımda dağ boyda var”.

Sfera.az xəbər verir ki, bunu Milli Məclisin bu gün keçirilən iclasında deputat Razi Nurullayev deyib.

“Əvvəllər Azərbaycan xanımları Hollivud xanımlarına bənzəmək istəyirdi, indi isə Mehriban xanıma bənzəmək istəyirlər. Deyəcəklər ki, sən müxalifət ola-ola niyə Mehriban xanımın mərhəmətindən danışırsan? Əgər siyasət ikiüzlülükdürsə, mən belə siyasəti qəbul etmirəm. Bəzən düşüncələrimizi içimizdə gizlədirik, amma mən bunu etməyəcəyəm. Kim nə düşünür-düşünsün, amma mən şadam ki, bunları deyə bildim”, - millət vəkili bildirib.

Firuzə Əliyeva