ABŞ Gürcüstana viza məhdudiyyətləri TƏTBİQ EDƏCƏK - Blinken AÇIQLADI
Vaşinqton xarici agentlər haqqında qanunla əlaqədar Gürcüstan hakimiyyətinə qarşı viza məhdudiyyətləri tətbiq etməyi planlaşdırır.
Sfera.az bildirir ki, bunu ABŞ dövlət katibi Entoni Blinken deyib. O, ölkənin viza məhdudiyyətlərinin tətbiqi ilə bağlı yeni siyasətə keçdiyini bildirib və bu məsələyə aydınlıq gətirib.
“Gürcüstan hakimiyyətinin hərəkətlərinə cavab olaraq, Dövlət Departamenti Gürcüstanla bağlı yeni viza məhdudiyyətləri siyasəti tətbiq edir” , - Blinken sosial şəbəkədəki səhifəsində yazıb.
Onun sözlərinə görə, dəyişikliklər Gürcüstanda demokratiyanın pozulmasına görə məsuliyyət daşıyanlara, eləcə də onların ailə üzvlərinə təsir edəcək. O, ABŞ-nin bütün sektorlar üzrə ölkələr arasında əməkdaşlığa yenidən baxacağını vurğulayıb.
Qeyd edək ki, mayın 14-də Gürcüstan parlamenti xarici agentlərlə bağlı səs-küylü qanun layihəsini qəbul edib. Buna görə də ölkədə kütləvi etirazlar baş verib.
Gürcüstan prezidenti Solome Zurabaşvili qanuna veto qoyub. O, sənədi “Rusiya qanunu” adlandırıb. Qanun səs çoxluğu ilə qəbul edilib. Xüsusilə, Aİ qalmaqallı qanun layihəsi ilə bağlı Gürcüstana ultimatum verib. Onlar ölkəni namizəd statusundan məhrum etməklə hədələyiblər.
Aprel ayında isə hakim “Gürcü arzusu – Demokratik Gürcüstan” partiyası bəyan etmişdi ki, Tbilisi Vaşinqtonun təhdidlərinə boyun əyməyəcək.
Günay
