BMT-dən Zelenski ilə bağlı VACİB AÇIQLAMA: “Səlahiyyət müddəti bitsə də...”
BMT Ukrayna Prezidenti Volodimir Zelenski ilə bağlı açıqlama yayıb.
Sfera.az bildirir ki, qurum Ukrayna liderini səlahiyyət müddəti bitdikdən sonra da dövlət başçısı hesab etməkdə davam edəcəyini bəyan edib.
“Ona görə də sülh danışıqlarında o, ölkənin qanuni nümayəndəsi kimi qəbul ediləcək”, - dünya təşkilatının rəhbərinin rəsmi nümayəndəsi Stefan Düjarrik deyib.
“Prezident Zelenski bizim üçün Ukraynanın dövlət başçısı və baş katibin ünsiyyət qurduğu şəxs olaraq qalır”, - Dujarrik bildirib.
O, jurnalistin Zelenskinin sülh danışıqları zamanı statusu ilə bağlı sualını belə cavablandırıb.
Qeyd edək ki, mayın 20-nə keçən gecə Zelenskinin Ukraynanın hazırkı prezidenti kimi səlahiyyət müddəti başa çatıb. Lakin ölkədə hərbi vəziyyət olduğundan seçkilər elan olunmayıb.
Günay
