"Rusiyanı və rusları bu yolla qorxutmaq olmaz" - Səfirdən ABŞ-yə REAKSİYA
“ABŞ-nin Rusiyaya qarşı sanksiyaları Vaşinqtonun dünyadakı rolunun konstruktivliyinə şübhələri artırır”.
Sfera.az “TASS”a istinadən xəbər verir ki, bunu Rusiyanın ABŞ-dəki səfiri Anatoli Antonov daha bir anti-Rusiya sanksiyalar paketini şərh edərkən deyib.
"Görünür, Vaşinqton başa düşmür ki, Rusiyanı və rusları bu cür qərarlarla qorxutmaq olmaz. Yerli rəsmilər dərk etmirlər ki, bu qeyri-qanuni hiylələr yalnız digər dövlətləri qorxudur. Əslində onlar Amerikanın dünyadakı hazırkı rolunun konstruktivliyi ilə bağlı şübhələri mayalandırırlar", - o bildirib.
Onun sözlərinə görə, Birləşmiş Ştatlar normal xarici ticarət əməkdaşlığı kanallarını bağlamaq üçün Rusiyanın tərəfdaşlarını, o cümlədən Çini qorxutmağa çalışır:
“O, növbəti dəfə Rusiyanın yüksək texnologiya, nəqliyyat və enerji şirkətlərini hədəfə alır, yəni məqsədləri rəqibləri bazarlarda “nokaut etmək”dir”.
Qeyd edək ki, mayın 1-də ABŞ Maliyyə Nazirliyi Vaşinqtonun Rusiya əleyhinə yeni sanksiyalar paketini təqdim edib. Məhdudiyyətlərlə üzləşənlərin siyahısına bir neçə ölkədən 29 fizik və 250-dən çox hüquqi şəxs daxildir. ABŞ hakimiyyəti sanksiyaların Rusiyanın müdafiə sənayesi kompleksini və təchizat mənbələrini hədəf aldığını bildirir.
Firuzə Əliyeva
