Rusiya bu sahədə mövqeyini İTİRDİ - İlk dəfə olaraq...
Rusiya artıq ABŞ-dən sonra ikinci ən böyük silah ixracatçısı deyil. Fransa onu geridə qoyub.
Sfera.az xəbər verir ki, bu barədə Stokholm Beynəlxalq Sülh Araşdırmaları İnstitunun hesabatında qeyd olunub.
Hesabatda deyilir ki, Rusiyada 2019-2023-cü illərdə silah ixracı 2014-2018-ci illərlə müqayisədə 53% azalıb. Fransa, dünya ixracatındakı payı 11% artıraraq ikinci yerə keçib. Rusiya ilk dəfə olaraq silah ixracında mövqeyini itirərək ən böyük ixracatçılar arasında üçüncü yerə düşüb.
Birinci yeri əvvəlki beş illik dövrlə müqayisədə satışları 17% (dünya bazarının 42%-i) artıran ABŞ tutur.
SIPRI-nin 2018-2022-ci illərdə silah ticarətinin vəziyyəti ilə bağlı əvvəlki hesabatına görə, ixrac həcminə görə ABŞ və Rusiya liderlik edib.
Ülkər Abdurahmanlı
