"Makronun Azərbaycana qarşı yeritmək istədiyi siyasət..." - Hüquqşünasdan AÇIQLAMA

"Rəsmi Almaniya və Fransanın Avropa İttifaqının və NATO-nun Rusiya-Ukrayna müharibəsində birbaşa hərbi iştirakı barədə bir-birinə əks mövqedən çıxış etməsi, təkcə Rusiya-Ukrayna müharibəsi ilə bağlı məsələ deyil".

Sfera.az xəbər verir ki, bu barədə fikirləri hüquqşünas Vüqar Dadaşov bildirib.

"Əlbəttə ki, Fransa Prezidenti Emanuel Makronun hakimiyyəti dövrü, Fransanın dünyada mövqeyinin daha da zəifləməsi, şəxsən prezident kimi Makronun uğursuz, bacarıqsız siyasətinə əsaslanır. Prezident Makronun bütün avantürist istəkləri Fransanın nüfuzunun bərpası və özünün lider kimi şəxsini təsdiqləməsi üçündür. Yeni regionda Fransanın mövcudluğu, Makronun ümumi prezidentlik dövrünün uğuru kimi qiymətləndiririlə bilər. Ölkəsinin beynəlxalq nüfuzunu əhəmiyyətli dərəcədə zədələyən Makron, gözlədiyi nəticəni əldə edə bilməsə də, ilk növbədə Cənubi Qafqaza soxulmaq siyasətini həyata keçirməyə çalışır. Makronun Cənubi Qafqaz və xüsusən də Azərbaycana qarşı yeritmək istədiyi siyasət, onu region dövlətləri ilə və hətta İranla belə münasibətlərini korlayıb”.

Hüquqşünas qeyd edib ki, Fransanın İranla münasibətinin əsaslı şəkildə pisləşməsi digər amillərə görə mümkün deyil.

“Fransa Prezidenti Makronun NATO qüvvələrinin Ukraynada Rusiyaya qarşı hərbi əməliyyatlarda birbaşa iştirakının mümkünküyü barədə açıq çıxışı, ümumən Aİ-nın və NATO-nun siyasətinə, diplomatiyasına, vahid birliyi və təhlükəsizlinə ziddir. Əlbəttə ki, Almaniya kansleri Olaf Şoltsun Makronu təkzib etməsi məhz qeyd edilən kontekstdən yanaşmadır. İtaliya müdafiə naziri də Quido Krozetti Makrona NATO adından danışmamağı məsləhət görüb. Ancaq son vaxtlar NATO qüvvələrinin Ukraynada Rusiyaya qarşı hərbi əməliyyatlarda iştirakı barədə də yayılmaqda olan məlumatları da əsasız hesab etmək olmaz. Fransa hətta NATO-dan kənar, öz rəhbərliyi ilə Ukraynada Rusiyaya qarşı vuruşan ittifaq yaratmaq niyyətini açıqlayıb”.

Ülkər Abdurahmanlı