Bu forumun Azərbaycana və dünyaya hansı təsiri olacaq? - AÇIQLAMA
Bu gün Bakıda 11-ci Qlobal Bakı Forumu işə başlayır. Forumun devizi (Fixing the Fractured World) "Parçalanmış dünyanın bərpası"dır. Foruma dünyanın müxtəlif yerlərindən 400 iştirakçı dəvət olunub. Onların arasında dövlətlərin indiki və keçmiş rəhbərləri, Nobel mükafatı laureatları da var.
Sfera.az xəbər verir ki, bu barədə fikirləri politoloq İlyas Hüseynov bildirib.
“Tədbir bu gün başlasa da, ilk çıxışlar dünən axşam baş tutub. Çıxışların mövzuları Şərqlə Qərb arasında münasibətlərə və Qəzzada davam edən müharibəyə həsr olunub”.
Politoloq qeyd edib ki, forum, G-20 kimi, heç bir böyük assosiasiyaya üzv olmayan kiçik ölkələrin liderlərinin imicinin formalaşmasında əsas rol oynayır.
“Bu forum Azərbaycanın əsas beynəlxalq platformalarda, dünyanın əksər inkişaf etməkdə olan ölkələrinin flaqmanı olduğu dövrdə, Qoşulmama Hərəkatında dörd illik sədrliyinin nəticələrini möhkəmləndirməyə kömək edir. Belə ki, tədbirin əsas natiqlərindən biri Albaniya Prezidenti, keçmiş hərbçi Bayram Beqay olacaq. Bununla belə, tədbirdə Ümumdünya Səhiyyə Təşkilatının (ÜST) baş direktoru Tedros Adanom Qebreisus da iştirak edəcək. Son illərdə qlobal səhiyyə sahəsində baş verənləri nəzərə alsaq, onun tədbir iştirakçılarına və qonaqlara deyəcəkləri çoxdur”.
Ülkər Abdurahmanlı
