Zurabişvilidən Saakaşvilinin azad edilməsi ilə bağlı AÇIQLAMA: \"Özüm bilərəm...\" 

Gürcüstanın keçmiş prezidenti Mixail Saakaşvilinin əfv olunması məsələsi yalnız dövlət başçısının səlahiyyətindədir və bu qərara heç kim təsir edə bilməz.

Sfera.az xarici KİV-ə istinadən xəbər verir ki, bu barədə Gürcüstan Prezidenti Salome Zurabişvili bildirib.

Zurabişvili Londonda "Chatham House" beyin mərkəzində keçirilən tədbirdə bəyanat verib.  Onun sözlərinə görə, Gürcüstanda ədalətli və azad parlament seçkilərinin keçirilməsi eks-prezidentin harada yerləşməsindən asılı deyil.

“Bu, özüm verəcəyim və buna görə özüm cavabdeh olacağım mənəvi bir qərardır. Bu, xarici və ya daxili təzyiqin təsir edə biləcəyi məsələ deyil”, - Gürcüstan prezidenti bildirib.

O, Saakaşvilinin sağlamlıq vəziyyətini nəzərə alacağını vurğulayıb. Zurabişvili Ukrayna Ali Radasının siyasətçinin azadlığa buraxılması və onun ekstradisiyasına hazır olması ilə bağlı müraciətini də xatırladıb.

Qeyd edək ki, 2023-cü ilin noyabrında Saakaşvili məhkəmə iclasında Zurabişvilini onu əfv etməyə və bununla da “ölkədə siyasi tarazlığı bərpa etməyə” çağırıb.

Gürcüstanın keçmiş lideri 2007-ci ildə etirazları dağıtmaqda və büdcə vəsaitlərini mənimsəməkdə ittiham olunur.

Əzizə Zeynal