\"Rusiyanın qarşısını almaq üçün hər şeyi edəcəyik\" - Makron
Avropa qoşunları Ukraynaya göndərilə bilər.
Sfera.az bildirir ki, bunu Fransanın baş naziri Qabriel Attal deyib. Onun fikrincə, Avropa ölkələri Rusiya Federasiyasının Ukraynada məğlubiyyətini təmin etməlidir:
“Çünki Fransa Rusiyanın qələbəsi ilə barışa bilməyəcək. Bu məqsədlərə nail olmaq üçün Avropa qoşunları cəbhəyə göndərilə bilər. Bu ehtimal bir gün əvvəl Parisdə Makronun təşəbbüsü ilə 20 Avropa ölkəsinin liderlərinin iştirakı ilə keçirilən konfransda da müzakirə edilib”, - o qeyd edib.
Fransa Prezidenti Emmanuel Makron isə bildirib ki, Aİ ölkələrindən Ukraynaya hərbi personalın göndərilməsi ilə bağlı ümumi razılıq yoxdur. Lakin o, belə bir ehtimalı da istisna etməyib.
"Rusiyanın bu müharibədə qalib gəlməsinin qarşısını almaq üçün hər şeyi edəcəyik”, - Makron əlavə edib.
O, bildirib ki, Kiyevin müttəfiqləri rus xalqı ilə müharibə etmirlər, sadəcə olaraq Ukraynada bu ölkənin qalib gəlməsinin qarşısını almaq istəyirlər.
Günay
