Bayden bu dəfə ölkələri səhv saldı, GÜNDƏM OLDU - VİDEO
ABŞ Prezidenti Co Bayden yenə çıxışı ilə gündəm olub.
Sfera.az bildirir ki, ölkə başçısı bu dəfə Rusiya ilə Çini səhv salıb. Belə ki, ABŞ Prezidenti İllik Milli Qubernatorlar Assosiasiyasında çıxış edərkən Barak Obamanın vitse-prezidenti olduğu dövrdən bir xatirəsini danışıb.
Otaqda seçilmiş nümayəndələrə müraciət edən Bayden bu sözləri deyib: “Obama mənim Si Cinpinlə tanış olmağımı istəyirdi. Onun Rusiyanın rəhbəri olacağı aydın idi, yəni Çin. O zaman Rusiya və digər ölkələrlə də problemlər yaşayırdıq”, - Ağ Ev rəhbəri deyib.
Dünya mediasında Baydenin dəfələrlə oxşar səhvlər etdiyi vurğulanır.
Məsələn, bu ayın əvvəlində o, Fransanın hazırkı Prezidenti Emmanuel Makronu 1981-1995-ci illərdə Fransaya rəhbərlik etmiş və 1996-cı ildə vəfat etmiş Fransua Mitteranla səhv salıb. Bir neçə gün sonra o, Angela Merkeli mərhum Almaniya lideri Helmut Kolla iki dəfə qarışdırıb. Fevral ayında Bayden Misir Prezidenti Əbdülfəttah əs-Sisiyə də “Meksika prezidenti” deyib.
Günay
