Dünya liderləri Ukrayna müharibəsinin ikinci ildönümündə Kiyevə dəstək mesajları göndəriblər.

Sfera.az bildirir ki, Zelenski həmin ölkələri açıqlayıb.

“Savaşın 2 ili tamam oldu. “Hamımız burdayıq” dəstək mesajı verənlər isə - Əlcəzair, Argentina, Avstraliya, Avstriya, Azərbaycan, Belçika, Bosniya və Herseqovina, Braziliya, Kanada, Çili, Çin, Kolumbiya, Xorvatiya, Kipr, Çexiya, Misir, Estoniya, Aİ, Finlandiya, Fransa, Gürcüstan, Almaniya, Yunanıstan , Qvatemala, Macarıstan, İslandiya, Hindistan, İndoneziya, İrlandiya, İtaliya, Yaponiya, Qazaxıstan, Koreya Respublikası, Küveyt, Latviya, Litva, Lüksemburq, Malta, Moldova, Monteneqro, Hollandiya, Yeni Zelandiya, Şimali Makedoniya, Norveç, Pakistan , Peru, Filippin, Polşa, Portuqaliya, Qətər, Rumıniya, Səudiyyə Ərəbistanı, Slovakiya, Sloveniya, Cənubi Afrika, İspaniya, Sudan, İsveç, İsveçrə, Tacikistan, Tayland, Türkiyə, BƏƏ, Böyük Britaniya, ABŞ, Vyetnam və.s. Həmçinin, ÜST, BMT, BYİB, EIB, BƏT, BQXK, NATO, ATƏT, Avropa Şurası, UNICEF və s. kimi beynəlxalq təşkilatlar”.

ABŞ prezidenti Co Bayden müharibənin 2-ci ildönümü ilə bağlı bunları deyib:

“Bir il əvvəl mən və komandam bunu elan etmək üçün Kiyevə qorxmadan gəldik: Ukraynaya dəstəyimiz sarsılmayacaq, dünya demokratiyaları parçalanmayacaq və biz yorulmayacağıq. İmperatorluğu yenidən qurmaq əzmində olan diktator xalqın azadlıq sevgisini heç vaxt silə bilməz. Qəddarlıq heç vaxt azad insanların iradəsini əzməyəcək. Ukrayna heç vaxt Rusiya üçün qələbə olmayacaq”.

“Siz ukraynalılar dünyaya inandığınız şey uğrunda mübarizə aparmağın nə demək olduğunu göstərirsiniz. Biz sizə hər addımda dəstək olacağıq”, - NATO-nun sosial şəbəkə hesabında qeyd olunub.

Avropa Komissiyasının sədri Ursula fon der Leyen isə bu gün Ukraynanın paytaxtı Kiyevə gedib.

“Biz həmişəkindən daha çox Ukraynanın yanındayıq. Maliyyə, iqtisadi, hərbi, mənəvi baxımdan.. Ölkə azad olana qədər. Qəhrəman Ukrayna xalqı iki ildir ki, ölkəsini təcavüzkarlara qarşı müdafiə edir, şəhər və rayonları azad edir, cəsarətlə hər şeyə meydan oxuyur”, - o, çıxışı zamanı bildirib.

Kanadanın baş naziri Castin Trüdo isə bunları deyib:

“Təxminən iki il əvvəl Putin müharibəni seçdi və Ukraynaya hücum edərək, bu xalqa misilsiz zorakılıq və qəddarlıq nümayiş etdirdi. Lakin Kanadanın Ukraynaya dəstəyi dəyişməz və sarsılmaz olaraq qalır”.

Fransa Prezidenti Emmanuel Makron mesajında bunları qeyd edib:

“İki illik savaş – Yaralanmış, əzilmiş, lakin hələ də ayaqda qalan xalq... Ukrayna özü, idealları, bizim Avropamız üçün mübarizə aparır. Ona olan bağlılığımız sarsılmayacaq”.

Böyük Britaniyanın baş naziri Rişi Sunak da Kiyevə dəstək mesajı yollayıb:

“Putinin Ukraynaya əsassız və qeyri-qanuni işğalına başlamaq seçimindən iki il keçdi. Ukraynanın azadlığını və demokratiyasını müdafiə etmək həmişə olduğu kimi vacibdir. Bir neçə həftə əvvəl Kiyevdə dediyim kimi, hər birimizin təhlükəsizliyi bundan asılıdır”, - o bildirib.

Günay