Paşinyan Makronla nələr danışıb? - DETALLAR

“Ermənistan və Fransa müdafiə sahəsində yeni əlaqələr qurub. Bu da Cənubi Qafqazda təhlükəsizlik və sabitliyin təmin edilməsi baxımından mühüm əhəmiyyət kəsb edir”.

Sfera.az bildirir ki, bunu Ermənistanın Baş Naziri Nikol Paşinyan Fransa Prezidenti Emmanuel Makronla keçirdiyi brifinqdə deyib.

“Bu məsələ ilə bağlı tənqidlər var, lakin qeyd etmək istəyirik ki, Ermənistan bütün qonşularının ərazi bütövlüyünü tanıyır və ölkəmizin müdafiə qabiliyyətinin inkişafı təşviş doğura bilməz. Ermənistanın məqsədi ölkənin qanuni və beynəlxalq səviyyədə tanınmış sərhədlərini, ərazi bütövlüyünü və müstəqilliyini qorumaq, habelə dayanıqlılığı artırmaqdır”, - Paşinyan əlavə edib.

Öz növbəsində Makron qeyd edib ki, Fransa Ermənistanla müdafiə sektorunda əməkdaşlığı davam etdirəcək.

"Paris hər hansı bir gərginliyi istəməyərək tam məsuliyyətlə davam edəcək", - Fransa prezidenti əlavə edib.

Qeyd edək ki, Nikol Paşinyan dünən həyat yoldaşı ilə birlikdə Fransaya 2 günlük səfərə gedib.

Xatırladaq ki, 2023-cü ilin oktyabrında Parisdə Ermənistan və Fransanın müdafiə nazirləri İrəvana silah tədarükü haqqında saziş imzalayıblar.

Günay